Artel компанияси ISO 9001:2015 бўйича қайта сертификатлашдан ўтди
Artel компанияси TUV International Certification Германия халқаро сертификатлаш ташкилотининг қайта сертификатлаш аудитидан ўтди.
Сифат менджменти сертификатини татбиқ этиш корхона фаолиятини кўрсаткичларини кўтариш ва компаниянинг мунтазам ривожланиши йўлида босилган муҳим қадамлардан биридир. ISO 9001:2015 сертификатига мувофиқлик Artel компанияси юқори даражада ишончлилиги, маҳсулотлари эса истъемолчилар талабларига тўлиқ жавоб бериши ҳақида яққол дарак беради.
2017 йилда Artel компаниясида сифат менеджменти халқаро талабларга мослиги бўйича сертификатлаш ўтказилган эди. Ушбу сертификатнинг муддати 3 йилни ташкил этган. 2018 ва 2019 йилларда сертификатлаш ташкилоти Artel компаниясининг сифат менеджменти халқаро талабларга мослиги бўйича аудит ўтказган эди. 2020 йилда эса компания сертификати яна 3 йилга узайтирилди.
ISO 9001:2015 сифат менеджменти сертификати Artel компанияси учун бир қатор имкониятлар яратади. Мисол қилиб айтганда, ушбу сертификат чет эллик компаниялар билан ҳамкорликни давом эттириш, жаҳон бозорларида ўз маҳсулотларини тақдим этиш, халқаро тендерлар ва кўргазмаларда иштирок этиш, ҳамда чет эллик инвесторларни жалб этишда муҳим ўрин эгаллайди.
Қайта сертификатлаш давомида Artel компанияси раҳбарлари сифат менджменти тизимини татбиқ этиш бўйича маҳсус тренингларда қатнашишди ва тренинг охирида ўтказилган имтиҳонни муваффақиятли топширишди.
Artel компанияси мунтазам ривожланади, корхонадаги меҳнат жараёнлари эса тўхтовсиз такомиллаштирилади. Artel заводларида ишлаб чиқариш сифати, бажарилаётган вазифалар кўрсаткичлари эса доимо назорат остида. Айнан шу омиллар сертификатлаш имтиҳонларини муваффақиятлик билан топширишга имконият яратди. Artel компанияси мунтазам равишда ўз устида ишлайди, истъемолчилар талабларини тўлиқ қондириш ва юртимиз аҳолисига шинамлик яратиш – компания шиоридир. ISO 9001:2015 сифат менджменти сертификати эса буни яна бир бор исботлайди.